Olon-dratsy iray nikasa handroba tao amin’ny festival Sabotsibe, Mandritsara, no voasambotry ny polisy, ny zoma 14 jona teo. Noraisim-potsiny teo amin’ny toerana nisy ny mpivarotra taratasim-pidirana anatin’ny fety izy. Nanararaotra ny jiro maty, nitondra antsy lava ireo jiolahy tokony ho tamin’ny 11 ora alina. Norahonany ny mpitazona volan’ny festival saingy tonga ara-potoana ny mpitandro filaminana. Ankoatra io, lehilahy iray hafa voasambotra rehefa nandroba firavaka volamena an’ny vehivavy iray, ny alarobia. Nandrahona ny naman’ireo olona voasambotra ireo ary nanaparitaka taratasy mitaky ny hamotsorana ireo mpanao ratsy. Notanana atao famotorana ary hatolotra ny fampanoavana ireo olona roa voasambotra ireo.
Tsiferana R.
French