Lavon’ny tifitry ny zandary ny dahalo roa lahy nangalatra tao Antanamandroso, fokontany Mangatoka, kaominina Mahajamba, ny 29 jona teo. Mpanao fanafihana mitam-basy, efa nahazo entana maro isan-karazany tamin’ny toerana samihafa ireo olon-dratsy ireo. Nanao fikarohana, araka izany, ny mpitandro filaminana nampian’ny fokonolona. Niainga avy ao Bepaipaika ireo mpanara-dia ireo ka nikaroka ireo dahalo ireo taorian’ny fahazoana loharanom-baovao. Nialokaloka tao amin’ny fokontany Tsarazazamandimby ireo mpandroba. Nitsoaka ny fokonolona hisambotra azy ireo roa lahy. Nampiasa fitaovam-piadiana ireto farany. Raikitra ny fifandonana tamin’ny zandary, tao anaty haizina. Vokany, dahalo roa lahy voatifitra. Nahatrarana vola sy fitaovam-piadiana nampiasainy teny amin’ireo olon-dratsy.
Tsiferana R.
French