Nizotra araka ny tokony ho izy ny korana nokarakarain’ny ligin’Analamanga, taranja basikety, teny amin’ny Espace Fenitra Bypass, ny alahady 18 desambra teo. Lanonana nentina namaranana ny taom-pikatrohana 2022 no sady nanomezana ny amboara ho an’ireo ekipa mendrika sy nahazo fandresena tamin’ity taona 2022 ity. Amboara 42 no nozaraina nandritra izany ka nahazo avokoa ireo telo voalohany. Nahomby, hoy ny filohan’ny ligin’Analamanga, taranja basikety, ny taom-pikatrohana 2022, ka rariny loatra raha hifety. Mbola hampitomboina anefa ny ezaka hahazoana vokatra tsara kokoa hatrany.
Raha hiverenana ny lanonana izay natao teny amin’ny Espace Fenitra, nahatonga solontena avokoa ireo rehetra nandefasana fanasana, nahitana ny eo anivon’ny Federasiona malagasin’ny basikety,ny ligy namana, ireo seksiona mandrafitra ny ligin’ Analamanga, ny klioba rehetra eto Analamanga, ny minisiteran’ny Tanora sy ny fanatanjahantena, ny minisiteran’ny Filaminam-bahoaka sy ny maro hafa. Tsy nanadino ny nisaotra azy ireo ny filohan’ny ligin’Analamanga, Andriatsima Hery.
Mi.Raz
French