Nitrangana loza mahatsiravina tao Ampanivahoaka, kaominina ambanivohitry Ranovao, distrikan’i Manjakandriana, omaly tamin’ny 2ora maraina. Trano kely fiandrasana saribao ity nirehitra ity, araka ny fampitam-baovao voaray avy amin’ny zandary. Fianakaviana mivelona amin’ny asa fanaovana saribao ity niharan-doza tampoka ity. Nisy ankizikely telo (telo volana sy roa taona ary 13 taona) mbola renoky ny torimaso tao an-trano. Lasa vao maraina nangady saribao tany an-tsaha ny ray aman-drenin’ireto ankizy ireto. Zava-doza anefa no niseho nandritra ny fotoana nialan’izy mivady tao an-trano. Nirehitra ny trano, ka notselaran’ny afo tao ny zanak’izy mivady. Nijoalajoala ny afo nandritra ny firehetana. Niezaka nifanome tanana tamin’ny famonjena ny mponina teo amin’ny manodidina. Tsy avotra intsony anefa ny ain’izy roa vavy kely raha afaka nanavotra ny ainy kosa ilay zokiny na dia main’ny afo aza. Nentina namonjy toeram-pitsaboana ihany izy ka avotra ihany ny ainy.
J.C
French