Voarafitra ny lisitr’ireo sehatra varo-draharaha ekena ho alalahana sy hasina fepetra ho an’i Madagasikara. Fahombiazana ny hahafahantsika mitambatra hanatratra ireo fanamby sy fahavononana hampandroso ny firenentsika, amin’ny alalan’ny varo-draharaha hiarahana amin’ny Vondrona eoropeana.
Maherin’ny 42 isan-jato miohatra ny fanafarana tamin’ny taona 2021 ny fanafarana menaka fampiasa amin’ny sakafo nataontsika tamin’ity taona ity. Mangataka ny handraisana fepetra hiarovana azy ireo ny mpamokatra menaka eto Madagasikara.
Nisokatra ny taom-piotazana voamaina andiany faharoa ho an’ny faritra Betsiboka. Tanjona ny hampahafantarana an’ireo mpandraharaha manerana ny Nosy fa anisan’ny mahavokatra voamaina betsaka ny ao an-toerana. Mila tohana koa ny tantsaha mba hahitan’izay ireo lalam-barotra.
Handray anjara amin’ny fivoriambe faha-79 ny Firenena mikambana ny 24-30 septambra, any New York, i Madagasikara. Hitarika ny delegasiona malagasy ny filoham-pirenena, hitondrany ny feon’ny fitondram-panjakana malagasy momba ny lohahevitra « Tsy hamela na iza na iza: mifarimbona hampandroso ny fandriampahalemana, fampandrosoana lovain-jafy ary ny hasin’ny maha olona ho an’ny taranaka ankehitriny sy ho avy ».
French