Teslatra

 Hitan’ny fokonolona nanao fanadiovana tao anaty tatatra ny fatin-jaza iray, teo Anosizato-Atsinanana, omaly. Mbola nisy tadim-poitra io zaza io saingy efa simba tanteraka. Ahina ho narian’ny reniny izy. Mandray an-tanana ny fanadihadiana ny polisim-pirenena eo anivon’ny CSP5.
Niara-maty novonoin’ny olon-dratsy ny mpivady mpiambina tanàna tao amin’ny fokontany Ambatolambo, kaominina Mananjary, afakomaly. Nisy dian’antsy ny lohan’izy mivady. Tsy novonoin’ireo tsy mataho-tody ny zafikelin’izy mivady ireo. Nampandre ny manodidina ireo zaza mianadahy.
Olona 440 traboina vokatry ny haintrano niseho tao amin’ny fokontany Ambalakondro, kaominina Mananjary, ny sabotsy 3 aogositra lasa teo. Levon’ny afo ny trano 80 mahery tao amin’io tanàna io.