Naratra nandritra ny fifandonana tamin’ny dahalo ny zandary iray am-perinasa sy ny telo tamin’ireo mpanaradia nandritra ny famerenana ireo omby ampolony voaroba tao Ambovogna, fokontany Ivohibe Avaratra, kaominina Ivohibe, ny 6 aogositra teo. Nalain’ny dahalo ny omby 67. Nanao hazalambo avy hatrany ny fokonolona niampy ny mpitandro filaminana. Nitondra fitaovam-piadiana mahery vaika nefa ireo mpandroba. Nifamaly tifitra tamin’ny fokonolona izay efa niandry ny kizo izy ireo. Vokany, naratra ny zandary iray sy ny vatan-dehilahy telo tamin’ny fokonolona. Nakarina notsaboina ao Ihosy io zandary naratra teo amin’ny tendany io. Tafaverina ny omby 62. Nidina ifotony tao Ivohibe ny mpitandro filaminana notarihin’ny kaomandin’ny Vondron-tobim-pileovana Ihorombe. Mitohy ny hazalambo.
Tsiferana R.
French