Ravan’ny zandarimaria sy ny fiaraha-miasa avy amin’ny tsara sitrapo ny andian-jiolahy mpangalatra ireo akora ampiasaina amin’ny fanatanterahana ny tetikasam-panjakana, teny Ambohimangakely, ny 10 aogositra teo. Valo lahy nitondra fiara sprinter, nanangona ireo fitaovana izay hanamboarana ny ivontoeram-pamokarana herinaratra miisa telo hanampiana ny filan’ny mponina eto an-dRenivohitra. Tariby an-jiro, vy sy fantsona maromaro efa nangonin’ireo olon-dratsy ary nataony tao anatin’ny fiara. Tafaporitsaka ny efa-dahy raha toa ka tsy afa-bela ny efatra namany. Nentina atao famotorana, naiditra am-balam-pamonjana ny fiara nampiasan’ireo mpangalatra tratra ireo.
Tsiferana R.
French