Namoy ny ainy, vokatry ny ratra mafy nahazo azy, ny mpitondra moto iray niharan’ny lozam-pifamoivoizana tao Analafasika, kaominina Agnavoho, distrikan’Ampanihy-Andrefana, afakomaly. Nifandona tamin’ny fiara tsy mataho-dalana iray tamin’io lalana io ity mpitondra moto ity. Nivoa-dra ka nikiry nitondra azy teny anivon’ny toeram-pitsaboana ny nanatri-maso. Tsy tana minitra vitsy taorian’ny loza anefa ny ainy. Nanokatra fanadihadiana avy hatrany ny zandarimaria miasa ao an-toerana. Notazomina natao famotorana ny mpamilin’ilay fiara 4×4. Naiditra am-balam-pamonjana ny fiara. Nisy teratany vahiny tao anatin’ny fiara ka nohazonina natao andrimaso ho fiarovana ny ainy. Natolotra ny fianakaviany ilay namoy ny ainy.
Tsiferana R.
French