Nosavoritahan’ireo jiolahy ny fasana, lasany ny toalam-paty 24 tao atsimon’ny tanànan’Ikivaho, kaominina Fitampito, distrikan’Ikalamavony, ny alin’ny alarobia hifoha ny alakamisy teo. Naharay antso ny zandary tao amin’ny borigadin’i Fitampito . Nidina ifotony nijery ny zava-nisy ny roalahy. Efa nisokatra ny fasana izay hita fa nosavoritahan’ny jiolahy. Natao ny fitsirihana ny tao anatiny, very tamin’izany ny taolam-behivavy rehetra. Taolan-dranjo ny valo raha toa ka tsy hita nanarak’azy ireo koa ny taolam-pe sy taolan-tsandry. Natao teo anatrehan’ny tompom-pasana sy ny kaomity ary ny fokonolona ny nidirana tao anatin’ny fasana . Misokatra ny fanadihadiana ataon’ny zandary. Nanamafy ny fisavana ny fiaran’ireo olona mivezivezy sy olona mandalo koa ireto farany.Andrasana ny ho tohin’ny raharaha
Tsiferana R.
French