Maty tsy tra-drano ny raim-pianakaviana iray 60 taona tao Ambohimahasoa, omaly maraina. Nijanona hisakafo, nametraka ny fiarabe teo amoron-dalana ny mpamily. Tsy tana tamin’ny alalan’ny kaly tampoka io kamiao io ka nifaoka trano maromaro teo amin’ny sisin-dalana. Nifanindry an-dalana tamin’io fotoana io, tsy tafatsoaka ny fiara namantana tamin’ny tsena amoron-dalana intsony ilay raim-pianakaviana. Voahitsaky ny fiara izy. Vaky ny lohany. Tsy afa-nialana nenina intsony fa tapitra ny ainy. Niatrana teny an-kianja nandamina ny fifamoivoizana avy hatrany ny polisim-pirenena. Notazomina natao famotorana ny mpamilin’ilay kamiao. Nogiazana ny taratasin’ny fiara ary naiditra am-balam-pamonjana ny fiara. Nalain’ny fianakaviany ilay lehilahy voadona. Marihina, matetika mitera-doza ny tsy fitandreman’ny mpamily sy ny fandehanana mafy tato ho ato eny anivon’ny lalam-pirenena.
Tsiferana R.
French