TSELATRA

Samy efa mpamerin-keloka avokoa ireo jiolahy roa voasambotry ny zandary teny Ambatomaro, afakomaly. Avy namaky trano izy roa no nifanehatra tampoka tamin’ny zandary. Teny an-dalana handeha hivarotra ireo entana halatra ry zalahy no tratra. Barre à pince, pince coupante, poste soudure no tratra teny amin’izy ireo. Efa nigadra tany Mananjary sy Tsiafahy izy roa lahy ireto.
Tovolahy iray no naratra voatsatoka antsy teo amin’ny kibony teny Fasankarana, omaly vao maraina. Handeha hamonjy asa amina orinasa afakaba iray eny Anosizato Andrefana izy no nifanehatra tamin’ny jiolahy roa nitondra antsy. Lasan’ireo olon-dratsy ny finday niaraka tamin’ny vola tany aminy.