TSELATRA

Mampitairana ny mpandeha taxi-be ny fisian’ireo mpanera mivadika manao asan-jiolahy eo amin’ny fiantsonana eo an-tsenanan’Andoharanofotsy. Maro ireo mpandeha no milaza ho very finday amin’ny afitsok’ireo mpanera mody miantsoantso kanefa miray tsikombakomba amin’ny resevera. Mitangorona ny mpandeha satria mampifilafila rahateo ny taxi-be ka isan’ny mampirongatra ny mpanendaka.
Raikitra indray ny doro kodiarana ataon’ireo vahoaka eny Ambatolampy Antehiroka, omaly hariva. Nentin-katezerana izy ireo amin’ny tsy fisian’ny rano sy ny fahatapahan-jiro lavareny ka nidina an-dalambe nanao sakana. Voatery niditra an-tsehatra ny mpitandro filaminana nandrava ireo mpanao fihetsiketsehana sady nanala ireo sakana.