Maty voatifitry ny mpitandro filaminana ny dahalo iray mpangalatra omby tao amin’ny tanànan’ i Betsiriotra, fokontany Ambahimanarina, kaominina ambanivohitra Fidirana, ny 9 septambra teo. Nangalatra omby tao amin’io fokontany io ny dahalo telo lahy. Nanao ny fanarahan-dia ny fokonolona. Naharay fampahafantarana, nanidy ny kizo ahina handosiran’ireo olon-dratsy ny zandary avy ao amin’ny zana-tobim-paritra Fidirana. Nifanehitra tamin’ireo dahalo tao amin’ny kizo Analamiranga izy telo lahy. Nikasa hisambotra ireo mpandroba ny mpitandro filaminana saingy namaly ireo dahalo. Nitifitra ny zandary. Vokany, lavon’ny bala ny iray tamin’ireo mpangalatra omby. Nohamarinina, leklody anisan’ireo tompon’antoka tamin’ny halatra omby tao amin’ny tanànan’Ankazomiriotra hatrany Ankisabe ity maty ity. Nandositra ny namany roa lahy. Naverina amin’ny tompony ny omby.
Tsiferana R.
French