TSELATRA

Voasambotry ny polisy tao Ihosy ireo mpa­maky trano (ahitana vehivavy iray) tompon’antoka ta­min’ny famakiana trano tao Amboniavaratra, afakomaly. Hita ny toerana fanangonan’izy ireo ny entana halatra ka nanao bemidina tampoka ny polisy. Mbola hita tao amin’izy ireo avokoa ny entana halatra rehetra.
Namoy ny ainy ireo ankizy roa vavy raha mbola mandalo fitsaboana kosa ny iray izay samy mpirahavavy nihinana holatra nisy poizina tao amin’ny
distrikan’i Soa­nierana Ivongo, ny faran’ny herinandro teo. Navelan’ireo ray aman-dreniny niandry trano izy telo mirahavavy ka lasa nitady laoka atoandro tany anaty ala.
Nazeran’ny jiolahy avy eny ambony moto ny lehilahy iray nandeha moto teny Anosizato Andrefana, omaly hariva. Nalain’izy ireo an-keriny ny kitapo teny am-bala­hany ka nitarika ny fianjerana. Lasa ny kitapo, tafaporitsaka ireo jiolahy. Naratra kosa izy ka voatery nentina haingana namonjy hopitaly.
Naratra mafy ny vehivavy iray nendahin’ny jiolahy teny Mananjara Andrefan’Ambohijanahary, omaly maraina. Andeha hiasa izy no nifanehatra tamin’ireo mpanendaka teo amin’ny lalamby. Tsy nanaiky nendahin’ireo olon-dratsy ka nanohitra. Tsy lasan’ireo mpanendaka ny poketra saingy naratra kosa izy.