“Tsy mbola tara ny fanatsarana ny lalàm-pifidianana eto Madagasikara. Raha tsy mitovy tantana ny fifaninanana ao anatin’ny fampielezan-kevitra, sns, ho be indray ny tsy ho faly amin’izay ho voka-pifidianana na iza na iza voafidy eo. Mety hisy korontana aorian’izay. Izay no mila sorohina mialoha”. Io ny fanazavan’ny ny tale mpanatanteraka eo anivon’ny Transparency International – Iniative Madagascar, Rafitoson Ketakandrina, momba ny fiatrehana fifidianana filohan’ny Repoblika. Rehefa tapa-kevitra hametraka lalàna ny mpitondra, vitany hatrany izay na ivelan’ny fotoam-pivorian’ny Antenimiera roa tonta aza. “Mbola manam-potoana isika raha mbola te hanova na hanavao na hanatsara ny lalàm-pifidianana izao”, hoy izy. Arakaraka ny fahatapahan-kevitra sy ny fahavononana io. Fanirian’ny rehetra ny hisian’ny fifidianana milamina, ary voka-pifidianana mangarahara sy manaja ny tena safidin’ny olompirenena.
Mila hatao mangarahara ny loharanom-bola ampiasain’ireo kandidà. Mila ferana koa ny fampiasam-bola amin’ny fampielezan-kevitra.
R. Nd.
French