« Grand Tournoi Antananarivo » : Tafita amin’ny famaranana ny Cosfa sy ny CFFA Andoharanofotsy

Notontosaina teny amin’ny Kianja Elgeco Plus By pass, o­m­­aly, ny manasa-dalan’ny fi­fa­ni­­nanana baolina kitra, “Grand Tournoi Antananarivo”. Ny ekipan’ny Cosfa Miaramila sy ny CFFA Andoharanofotsy no tafavoaka hanao famaranana sy hi­a­dy ilay lelavola 20 tapitrisa Ari­ary amin’izany. Raha hiverenana ny voka-dalaon’izy ireo, ny ekipan’ny Cosfa nandresy ny Avenir Ste Anne tamin’ny isa 2 no ho 0. Baolina izay tafiditr’i Toky, mpilalaon’ny Cosfa, ny minitra faha- 42 sy ny faha- 46.
Nahintsan’ny CFFA Ando­ha­­­ranofotsy, isa 1 no ho 0, ny Aje­saia Bongolava. Tany amin’ ny faha-56 minitra ny mpila­laon’ Andoharanofotsy vao tafavoaka rehefa nanakobana harato i Gôna. Tsara marihina fa mbola manala vela amin’ity fifanandrinana ity ny avy etsy Ando­ha­ra­no­fotsy.
Ampahatsiahivina ihany fa resin’ny miaramila, 1 no ho 0, ny CFFA, nandritra ny fifanintsanana isam-bondrona “B” te­tsy Iavoloha, ny 20 oktobra lasa teo. Klioba samy mifanintsana ao amin’ny fifaninanam-pirenena “Pureplay Football League (PFL)” avokoa ireo klioba roa manao ny famaranana ireo.
Ankoatra izay, natao hanomanana ny taom-pilalaovana 20­25 ny fifaninanana GTA, in­drindra ho an’ireo klioba mifani­n­tsana amin’ny ligin’Anala­ma­­n­ga sy ny PFL. Ireo fifaninanam-pirenena ireo tsy mbo­la mi­sy resaka mihitsy hatramin’ izao.

Fitia Randria