Anisan’ireo zokiny indrindra. Feno 30 taona amin’ity mantsy no nisian’ny tarika North & Center, izay anisan’ireo nivoy ny Rap gasy nohiraina ihany koa tany amin’ny taona 1995. Homarihina amina seho goavana izany, izay hotontosaina ny 5 oktobra izao, ao amin’ny Lapan’ny fanatanjahantena Mahamasina. Nisy ny fampahafantarana omaly, izay nizaran’ny tarika ny andinindininy amin’ny seho, sy nanaovana jery todika kely izay taona maro lasa izay.
Nanana ny nampiavaka azy, indrindra tany anatin’ny tononkira ny North & Center. Nanamarika vanim-potoana maro ry « Revy sa ditra », « Tsy digniko », « Mahatsiaro », « Magnigny », Voady, sns. Ilay fampivadiana ny fiteny avy tavaratra sy ny avy eto afovoan-tany, nakana ny anaran’ny tarika, no tena nampiavaka an’i KD sy i Murphy hatramin’izany. Ho fanehoana ny firaisankina, hanotrona azy ireo ry 8 Mena Maso, Ray Lasy, Donat, Sphynx, Samantha & Kayah, Psykopasy, Da Hopp, Kilowatt, Takodah & Ngah-B, Big Jim Dah, TST BAZ, Doublenn, Buddha El Taga, Krutambul, Mr Sayda, Meizah, sns, manditra io seho io.
Zo ny Aina
French