Nohainoin’ny mpitsara mpanao famotorana teo anivon’ny fitsarana Anosy, notanana vonjimaika any am-ponja, ny lehilahy iray tratra nangalatra kodiarana fiara, tetsy Ambatoroka, ny 8 mey teo. Mpamily fiara iray nangalatra kodiarana fiara hafa saron’ny mpiambina iray teny Ambarotoroka, Boriborintany faharoa, ny alin’ny alakamisy 7 mey teo. Nanatitra mpiasa avy nanao asa alina tamin’ny fiara fitaterana io mpamily io. Nanararaotra anefa izy rehefa nahatazana fiara tamin’ ny fiantsonana. Namoaka fitaovana ka nanala ny kodiaran’ny fiaran’olona mipetraka tamin’ny toby fiantsonana eny Ambatoroka. Tsikaritry ny mpiambina tamin’io toerana io izy. Nanohitra anefa io mpamily io ary nikasi-tanana ilay mpiambina. Naratra vokatr’io daroka nahazo azy io ity farany. Niantso vonjy tamin’ny manodidina ilay mpiambina niharan’ny vono. Nahare izany ireo mponina ka nivoaka sady nisambotra ilay mpamily sady mpangalatra. Voasambotra io olon-dratsy io ary noraisim-potsiny teo aminy ny kodiarana nokasainy hangalarina.
Tsiferana R.
French