TSELATRA

Polisy 30 mianadahy no nanome ra tetsy amin’ny CHRR Bongolava, omaly nanomboka tamin’ny 8 ora maraina. Izay notarihan’ny Talem-paritra sy ny Lehiben’ny Kaomisaria, ny ankoatra ireo kosa nanohy ny asa andavanandro. Tafiditra ao anatin’ny fankalazana ny faha-65 taonan’ny polisim-pirenena malagasy izany hetsika izany. Mbola maro ny hetsika karakarain’izy ireo.
Notazomina am-ponja vonjimaika ireo olona roa voasambotry ny polisim-pirenena nandritra ny hetsika Mahomby, tany Fianarantsoa, ny 09 Septambra 2026 teo. Nahazo fampahafantarana momba ny fisian’ny olona ahiahiana ho mpamaky trano mihaodihaody teny Antarandolo ny polisin’ny UIR. Nirotsaka an-tsehatra avy hatrany izy ireo nanao ny fanaraha-maso ka voasambotra ilay olona nampiahiahy. Nentina teny amin’ny biraon’ny polisy izy ary nosokafana ny fanadihadiana momba ity raharaha ity.
Nanatanteraka fanentanana makasika ny fiparitahana sy ny fampiasana zava-mahadomelina ireo Polisy avy amin’ny Sampandraharaha miady amin’ny fidorohana sy fiparitahan’ny zava-mahadomelina (STUP), ny harivan’ny 20 Septambra 2026, teny amin’ny Fokontany Ando­hanimandroseza. Nitohy teny amin’ny Fokontany Ampo­hipo ny hetsika, ny harivan’io andro io. Maro be ireo fokonolona nandray anjara tamin’ny fanentanana. Notan­terahina teny amin’ny Fokontany Alasora/ Ambodivondava ny fanentanana, omaly.