Manamafy ny fahaiza-manaon’ny orinasa malagasy sy hanamora ny fidiran’ny vokatra « Made in Madagascar » eo amin’ny tsena iraisam-pirenena ny Vondrona eoropeanina, amin’ny alalan’ ny tetikasa Acte Invest. Nisy ny fihaonana teo amin’ny masoivohon’ny Vondrona eoropeanina eto Madagasikara, Roland Kobia sy ny Maison de l’entrepreneuriat (MDE) ary ny Fivondronan’ny mpandraharaha malagasy (FivMpaMa), ny herinandro teo. Nifanakalo hevitra momba ireo tetikasa hanohanana ny Malagasy mpandraharaha sy hampiroboroboana ny fanondranana ny telo tonta. Tanjona ny hanampy ireo mpandraharaha hanana ny fahaiza-manao ilaina amin’ny fanondranana sy hampiditra ny vokatra malagasy eo amin’ny tsena eoropeanina, izay ahitana firenena 27.
Mpiara-miombon’antoka
Mitaky fiaraha-miasa amin’ny Fanjakana ny fanatanterahana ny tetikasa. Voatonona manokana ireo minisitera miandraikitra ny varotra sy ny fampiroboroboana ny fandraharahana. Ilaina ny fandraisana anjaran’ireo rafitra ireo mba hahazoana vokatra maharitra. Marihina fa mandray anjara amin’ny fampandrosoana ny toekarena sy manohana ny sehatra tsy miankina ny Vondrona eoropeanina amin’ny alalan’ny famatsiam-bola sy fanohanana ireo tetikasan’ny mpandraharaha.
Henintsoa
French