Tra-tehaky ny fokonolona sy ny mpitandro filaminana ny mpamaky trano iray ikoizana tao Ambositra, afakomaly. Nihaodihaody nanerana ny tanàna, nampandre ny manam-pahefana ny mponina. Natao avy hatrany ny vela-pandrika. Vokany, voasambotra ny lehilahy iray niaraka tamin’ny vola nitentina 1 661 000 Ar. Nahitana kavin’omby dimy koa teny aminy. Natao ny fanadihadiana, nilaza ho avy nivarotra ny ombin-drainy ity voasambotra ity ka anton’ny nampisy ny vola teny aminy. Marihina fa efa notononin’ny namany mahakasina halatr’omby nitranga tao Sud Caserne – Ambositra ny alin’ny 25 hifoha 26 jona lasa teo ity tra-tehaka ity. An-dalam-panatontosana ny fanadihadiana lalina ny mpitandro filaminana amin’izao fotoana ka andrasana ny tohin’ny raharaha.
Tsiferana R.
French