Andro vitsy mialoha ny fifaninanana, namoaka ny anaran’ ireo mpilalao handrafitra ny ekipa malagasy, hiatrika ny « Africa Cup 3×3 », taranja basikety, ny Federasiona malagasin’ny basikety. Mpilalao efatra ny eo amin’ny Ankoay, sokajy vehivavy, ahitana an’Andriamihajanirina Sydonie Ericka, Jaofera Minaoharisoa Christiane, Hajanirina Harisoa Muriel ary Raherimanana Rondro Émeranchine. Efatra, toy izay ihany koa, ny mpilalao eo amin’nysokajy lehilahy, ahitana an’i Solondrainy Alfa Arnol, Ratianarivo Livio Rocheteau, Randriamampionona Elly ary Rasolomanana Anthony Nelson. Eo amin’ny mpanazatra kosa, Razananirina Prisca sy Rakotomalala Mathieu, ho an’ny sokajy vehivavy, raha toa ka Randrianarivelo Jean de Dieu (Deda) sy Rakotonindriana Eli Mickaël (Ramora), ho an’ny sokajy lehilahy. Tsiahivina fa hotanterahina eny amin’ny Lapan’ny fanatanjahantena Mahamasina, ny 29 novambra hatramin’ny 2 desambra izao, ny « Fiba 3X3 Africa Cup », taranja basikety. Vonona hibata ny amboara ny ekipa malagasy.
Mi.Raz
French