Tombanana ho betsaka ny rotsakorana (hatramin’ny 80 mm ao anatin’ny 24 ora) any amin’ny ilany atsinanan’ny afovoantany sy ny atsimo atsinanan’
ny Nosy, ny faran’ny herinandro izao. Nahazo filazana fampitandremana manomboka anio sy rahampitso, Analamanga, Vakinankaratra ary Amoron’i Mania. Rahampitso i Vatovavy, Alaotra Mangoro ary ny tapany atsimon’ i Atsinanana.
Natao teny amin’ny CNFPPSH Ampandrianomby, tamin’ity herinandro ity, ny famoahana ny andiany Avotra sy fanolorana tosika fanombohana
entina miasa avy hatrany. Tanora manana fahasembanana miisa 67 misokajy amina sampam-piofanana
10 (zaitra, informatika, fanaovana mofo mamy…) no nisitraka fampiofanana ary afaka hiditra eo amin’ny sehatry ny asa noho ny fampitaovana azy ireo avy
amin’ny OIT.
Ho fitohizan’ny fiaraha-miasa eo amin’ny hopitaly Anosiala sy ny Hôpital provincial de la médecine traditionnelle chinoise de Gansu (Chine) dia nisy ny fiofanana sy fifampizarana traikefa natao tany an-toerana. Nizara andiany 2 ireo delegasiona malagasy miisa 12 nandeha, izay notarihin’ireo tale mpitantana ny hopitaly…Tanjona ny hampiroboroboana ny fitsaboana nentim-paharazan’ny Sinoa, ho fanatsarana ny kalitaon’ny fitsaboana ao amin’ny CHU Anosiala.
French