Avy hatrany dia natolotra ny talen’ny akany Sejafa, mitaiza ireo ankizy manana fahasembanana sy ireo manana toetena varira ao farafangana, ny fanampiana azo nandritra ny tolo-tanana natao tetsy amin’ny Tranombokim-pirenena Anosy.
Nahatratra 1 551 900 Ar ny lelavola voaangona nandritra ny 3 andron’ny hetsika. Teo koa ny vary sy ny kojakoja toy ny savony sy lamba ary karazam-boky ho an’ny ankizy.
Hetsika nokarakarain’ny fikambanan’ny olona manana toetena varira ho fanampiana ny akany izay mandalo fahasahiranana no natao. Tsy maharaka ny sakafo omena ireo ankizy ka tsy maintsy nanaovana izao tolo-tanana izao, araka ny fanazavan’ny filoha, i Soja Fulgence.
Raha sanatria ka tsy hahasahana ny filan’ny ankizy varira ireo tolotra dia tsy maintsy haverina eny anivon’ny fiarahamonina misy azy izy ireo na eny amin’ny ray aman-dreniny.
Loza mitatao ho an’ireo zaza ireo anefa ny fiverenany eny amin’ny fiarahamonina noho ny tsy fandriampahalemana miseholany, indrindra ireo mipetraka any ambanivohitra.
Eo koa ny halatra voamaso sy fanaovana takalonaina azy ireo izay mivaivay any amin’iny tapany atsimon’ny Nosy iny.
Misy hitrehana ny fotoana vitsivitsy ireo vatsy azo tamin’ny tolo-tanana ka afaka manohy miaina ao amin’ny akany indray ireo ankizy varira.
Tatiana A
French