Nandrombaka medaly volamena, Raharvel Jonathan, nandritra ny fifaninanana natokana ho an’ny Oniversite, tany Budapest, Hongrie. Teo amin’ny 100 m brasse no nifaninanany, izay notanterahina ny faran’ny herinandro teo.
Hotanterahina ny 7 sy 8 desambra izao, eny amin’ny kianja mitafon’i Mahamasina, ny “ligue en fête”, karakarain’ny ligin’Analamanga ny taranja basikety. Nisy ny fivoriana nataon’izy ireo, omaly, teny an-toerana, hanomanana ity hetsika efa fanao isan-taona ity.
Mikarakara fifaninanana basikety, natokana ho an’ny orinasa, ny “Commission des arbitres” eo anivon’ ny Federasiona malagasin’ny basikety, ho fankalazana ny Andron’ny mpitsara. Fifaninanana hatao ny 20 sy 21 desambra izao eny amin’ny Petit Palais Mahamasina.
Hanome fanazaran-tena ho an’ny Judokas vehivavy, sokajy Cadettes, Juniors ary Seniors, Rasoanaivo Razafy Laura, tompondakan’i Afrika. Ny alatsinainy 23 desambra izao no hanatanterahana izany, eny amin’ny Dojo Palybox Analamahitsy, manomboka amin’ny 9ora maraina.
French