Fanadinana CEPE : hisokatra ny 23 janoary ny fisoratana anarana

Hiverina an-dakilasy ny alatsinainy ho avy izao, hanohy ny taom-pianarana anatin’ny roa volana fahatelo, ny mpianatra amin’ny ambaratonga telo eto Madagasikara. Hi­farana ny 24 febroary izany izay ialohavan’ny Andron’ny se­koly, ny 22 ka hatramin’ny 24 febroary. Mitsahatra ny fampianarana ny 25 febroary ka hatramin’ny 5 marsa. Mia­trika ny roa volana fahefatra indray ny 6 marsa ka hatramin’ny 7 avrily ho avy izao. “Ny roa volana fahatelo sy fahefatra no tena herin’ny fampianarana satria eo no hi­zarana ny lesona sy hanaovana fizarana betsaka. Fame­renana sy famenoana ny ban­ga sisa ny volana fahadimy am­­biny indrindra ho an’ny ki­lasy hiatrika fanadinam-panjakana”, hoy ny mpampianatra.
Momba ny fisoratana anarana amin’ireo fanadinam-panjakana roa. Hanomboka ny 23 janoary izao ny fandraisana ny antontan-taratasy fisoratana anarana ary hifarana ny 30 marsa ho an’ny CEPE. Hosan­tarina ny 30 janoary kosa ary hikatona ny 31marsa ho an’ny BEPC. Tokony ho efa miomana amin’ny antontan-taratasy samihafa ilaina ny mpiadina tsirairay arakaraka ny fanadinam-panjakana hatrehiny.

Vonjy