Nilaza ny banky Iraisam-pirenena, fa miha ratsy hatrany ny krizy iainan’ny firenena andalam-pandrosoana, nanomboka ny taona 2022. Nitombo izay tsy izy ny trosan’ izy ireo tato anatin’ny 10 taona farany, izay voakasik’ izany ny 60% ny firenena tena mahantra, toa an’i Madagasikara.
Tsy ahafahan’ny firenena mahantra mampiasa vola mitondra fampandrosoana ny trosa miavosa mihatra aminy. Tsy afaka manarina ny toekarena, miatrika ny fahasalaman- bahoka, ny fiatrehana ny fiovan’ny toetr’andro, ny fanabeazana, sns. Hita izany nanomboka ny taona 2010, hatramin’ny niovan’ny tontolo trosa, satria miha maro sy mibaha-toerana ny fampindramam-bola avy amin’ny tsy miankina.
Araka ny tatitry ny Banky Iraisam-pirenena ny faran’ny taona 2021, avy amin’ny mpampindram-bola tsy miankina ny 61% ny trosan’ny firenena andalam-pandrosoana sy ny antonontonony. Manampy izany, tsy ao anatin’ireo firenena mahazatra, mivondrona anaty Club de Paris ny ankamaroan’ny fifanarahana samy firenena, toa an’i Sina, India, Arabia Saodita, Eirats Arabo Mitambatra, sns.
Njaka A.
French