Ralaivao Soafara Eleana : Vehivavy mpitsara iraisam-pirenena voalohany

Manomboka misokatra amin’ny sehatra iraisam-pirenena ny lafiny fitsarana lalao eto Madagasikara. Fantatra nandritra ny andron’ny mpitsara, ny faran’ny herinandro teo, fa lasa mpitsara iraisam-pirenena ny Malagasy mpitsara, Ralaivao Soafara Eleana, i Léa. Izy no vehivavy malagasy voalohany niditra eo amin’ny sehatra iraisam-pirenena, ho an’ny fitsarana lalao. Raha eo amin’ny lehilahy kosa, i Tojo ihany hatreto no manana toerana eo amin’izay fitsarana lalao iraisam-pirenena izay, ho an’ny taranja basikety. Tsia­hivina fa efa ela no nisehatra teo amin’ny tontolon’ny basikety ary Malagasy mpilalao basikety fahiny izy. Nam­baran’i Léa fa tsy maintsy tanteraka ny tanjona rehefa mikiry sy manana finiavana ary tsy misy zavatra tsy ho tanteraka izany raha ilofosana. Nanen­tana ny mpitsara namany izy mba hanohy ny nofinofy ary hanatratra ny tanjona. Raha hiverenana ity andron’ny mpitsara ity, nisy ny fifaninanana nokarakarainy, nentina nanamarika io andro io. Nahazo mari-pankasitrahana avy amin’ny federasiona sy ny CCA (Commission centrale des arbitres) avokoa ireo rehetra nandray anjara tamin’ny fifampizarana sy fifaninanana, hanamarihina ny fidiran’izy ireo an-tsehatra amin’ny fampandrosoana ny fitsarana lalao eto Madagasikara.

Mi.Raz