Tontosa ny faran’ny herinandro teo ny fifaninanana « sélection régionale », taranja basikety, niarahan’ny ligin’Analamanga sy Vakinankaratra nisalahy. Fifaninanana namaranana ny taona izay natao tany Antsirabe. Anisan’ny nifaninana ny sokajy U12 ka nivoaka ho mpandresy ny Team Analamanga.
Nifarana omaly, tany Farafangana, ny hetsika «Agnambahy mifety» izay nahitana fifaninanana ara-panatanjahantena tamin’ny taranja maro. Nampiavaka ity indray mitoraka ity ny fisian’ny taranja hafa ankoatra ny basikety, anisan’izany ny beach-volley sy ny taranja baolina kitra.
Nodimandry, omaly, ilay kalaza maneran-tany eo amin’ny taranja ady totohondry, i Paul Bamba, mpanao ady totohondry avy any Porto Rico. Tsiahivina fa vao avy niatrika ny fiadiana ny tompondaka maneran-tany ny herinandro lasa teo izy ary voahosotra ho tompondaka no izao nodimandry izao.
French