Fantatra fa nametra-pialana, tsy ho governoran’ny Banky foiben’i Madagasikara (BCM) intsony, Rabarijohn Henri. Voatendry handimby azy Andrianarivelo Aivo Handriatiana, izay navoakan’ny filankevitry ny minisitra, omaly, ny fanendrena azy.
Tsy fantatra mazava ny anton’izao fametraham-pialany izao, fa raha ny zava-nitranga faramparany tamin’
iny taona 2022 iny, teo mikasika ny fandoavana ny karaman’ny mpiasam-panjakana, volana desambra. Taty aoriana, misy koa ny fanapahan-kevitry ny fanjakana, amin’ny alalan’ny Tahirimbolam-panjakana hisambo-bola amin’ny olon-tsotra na ny mpandraharaha, antsoina hoe «Bon de Trésor par adjudication» (BTA). Marihina fa efa fanaon’ny fanjakana hatramin’izay ity fepetra ity.
Voatendry ny 6 novambra 2019 ny governora teo aloha, Rabarijohn Henri ary nanao ny fianianany teny amin’ny Fitsarana tampony, ny 15 novambra 2019. Niasa roa taona, ho adminisitratera tao amin’ny Tahirimbola iraisam-pirenena, kosa Andrianarivelo Aivo, ary tapitra tamin’ny oktobra 2022 ny fe-potoam-piasany.
Njaka A.
French