Voasambotry ny polisy ao amin’ny kaomisarian’Antaninandro (CSP3) teny Besarety Ambodimanga, afakomaly, ny jiolahy iray mbola tsy ampy taona. Voarohirohy ho tompon’antoka tamina halatra izy, raha ny tatitra nampitain’ny polisy. Naharay antso tamin’ireo olona teny amin’ny manodidina ny polisy, noho ny fisiana tovolahy iray mampiahiahy mihaodihaody eny amin’iny faritr’i Besarety iny. Nidina teny an-toerana avy hatrany ny polisy mpanao fisafoana eny Besarety sy ny manodidina ka tamin’izany no nahatrarana ity jiolahy ity, nitondra vola 2 431 500Ar sy kojakoja hafa toy ny fahitalavitra, ordinatera entin-tanana, finday, fanalahidy, seky, tournevis. Nentin’ny polisy nihazo ny kaomisaria avy hatrany izy mba hanaovana famotorana. Niaiky izy, nandritra ny famotorana nataon’ny polisy, fa halatra avokoa ireo entana tratra tany aminy ireo. Mitohy, araka izany, ny fanadihadiana ity jiolahy raindahiny ity.
Jean Claude
French