Voasambotry ny polisim-pirenena, omaly maraina, tao Sambava, ny lehilahy voatondro ho nahafaty ny vadiny. Naharay antso mahakasika ny tranga tao amin’ny fokontany Antanifotsy-Sambava, ny mpitandro filaminana. Nidina teny an-toerana ny polisy sy ny dokotera nijery ny zava-nisy. Misokatra ny fanadihadiana. Vehivavy iray 28 taona, tsy nisy aina intsony no novantanina teo an-toerana. Kapa antsy teo amin’ny hatony no nahafaty azy, hoy ny fanazavana voaray. Voatondro ho tomponantoka ny vadiny. Nifamaly izy mivady ny alin’ io. Niafara tamin’ny fikasihan-tanana ny fifamaliana. Taorian’ny voina, nokarohina ilay lehilahy vadiny. Voasambotra fotoana fohy taorian’io. Natao famotorana, niaiky fa izy tokoa no namono ny vadiny. Mitohy ny fanadihadiana ataon’ny polisy momba ity raharaha ity.
Henintsoa Hani
French