Vehivavy avokoa ny 56% ireo farmasianina matihanina miisa 400 mahery eto Madagasikara. Mbola ambony koa ny tahan’ny vehivavy manaraka izany lalam-piofanana izany ao amin’ny Oniversiten’ Antananarivo sy Mahajanga.
“Manaporofo izany fa mitoetra eo amin’ny fiarahamonina ny firotsahan’ny vehivavy maro eo amin’ny taranja siantifika sy ny asa ara-pahasalamana”, hoy ny Holafitry ny farmasianina.
Fikambanan’ny farmasianina 3 ihany koa no tantanin’ireo vehivavy, anisan’izany ny Ares (Association pour le renouveau du secteur pharmaceutique à Madagascar), ny Upimo (Union des pharmaciens indépendants malgache d’Officine), ary ny APM (Association des pharmaciens de Madagascar).
Mbola misy ihany anefa ny fanamby atrehin’ny vehivavy amin’ny sehatry ny farmasia. Saro-dalana koa anefa ny fampifandanjana ny asany sy ny andraikitra ara-pianakaviana ka mananosarotra ny fivoarana amin’ny lafiny fitantanana.
Azo hitarafana tsara ireo fanamby sy fahafaha-mivoatra atrehin’ireo vehivavy ny asa aman’andraikitry ny farmasianina eto Madagasikara. Manatanteraka feno ny andraikiny ireo vehivavy mpiasan’ny farmasia rehefa anjarany ny miasa amin’ny alina na andro fety na faran’ny herinandro. Mahafehy ny asany amin’ny maha mpivarotra fanafody izy ireo ary manao vaindohan-draharaha ny fanavotana ny marary na tao anatin’ireny valanaretina ireny aza.
Tatiana A
French