Tontosa ny herinandro teo, tao amin’ny Oniversiten’Antananarivo, ny Herinandron’ny matematika. Nanasongadina ny tarehimarika sy ny raikipohy sady fankalazana ny andron’ny Pi (Andro iraisam-pirenena momba ny matematika), ary indrindra ny fanomezam-boninahitra ireo mpampianatra 16 misotro ronono, ny hetsika.
Nanome vahana kokoa ny fifanakalozana ho an’ireo manatrika sy ho an’ireo tia matematika ny Herinandron’ny matematika.
Tanjona ny handraisana andraikitra mazava sy hanabeazana ahafahan’ny tsirairay mahazo sy mampihatra ny foto-kevitra matematika amin’ny fiainana andavanandro.
Anisan’ny nanamarika ny famaranana ny hetsika ny fihaonana sy ny fifampizarana nahavokatra teo amin’ireo mpianatra matematika teo aloha sy ireo mpampianatra ary ireo mpianatra ankehitriny.
Misy ireo tanora tena liana amin’ny kajy sy tarehimarika ary kinga saina amin’izany taranja izany.
Tatiana A
French