Dimy ny olona maty vokatry ny fandalovan’ny rivodoza Jude tany amin’ny tapany atsimon’ny Nosy, araka ny tatitra navoakan’ny BNGRC, ny faran’ny herinandro teo. Ambovombe, Taolagnaro, Befotaka no nahitana ireo tranga ireo. Enina kosa no naratra. 106 372 ny traboina (tokantrano 24 885), olona 20 827 avy ao amin’ny faritra Androy, Traboina 6 829 ao amin’ny faritra Anosy, 77 788 avy amin’ny faritra Atsimo Andrefana ary traboina 928 avy ao amin’ny faritra Atsimo Atsinanana. Mahatratra 20 967 ireo nafindra monina (tokantrano 5 184) mipetraka amin’ny toeram-pandraisana 68. Ao amin’ny faritra Atsimo Andrefana no misy mpifindra monina betsaka, olona 18 253 ( tokantrano 4 495). Manaraka ny faritra Anosy, olona 2 178 ( tokantrano 557) ary olona 536 déplacées ( tokantrano 132 ménages) ao Androy. Teo amin’ny fotodrafitrasa, 5 596 no dibo-drano, 6 823 ny trano simba ary 13 690 rava tanteraka. Ho an’ny fanabeazana, 283 ny efitrano tsy misy tafo intsony, 342 rava amin’ny ampahany ary efitrano 693 simba tanteraka. Faritra fito no nitondra takaitra vokatry ny fandalovan’ity rivodoza ity, amin’ny distrika 20 ary kaominina 197.
Vonjy
French