Nahazo fitaovana fampifandraisana Starlink miisa 45 avy amin’ny minisiteran’ny Fampiroboroboana ny haitao ara-kajy mirindra, ny paositra ary ny fifandraisan-davitra ny Birao nasionaly misahana ny fitantanana ny tandindon-doza sy ny loza (BNGRC), ny herinandro lasa teo. Hametrahana amin’ny fomba ofisialy ny fanohanana ara-niomerika atolotry ny MNDPT ho an’ny BNGRC ny fahazoana ireo fitaovana ireo. Tanjona ny hampitomboana ny fahafaha-miasa haingana kokoa eo anivon’ny BNGRC sy hanatsarana ny fifandraisana amin’ny faritra voakasiky ny loza voajanahary, indrindra eo amin’ny fanangonana angon-kevitra. Ahafahana mamonjy ireo vahoaka rehefa mitranga ny loza ary koa hanamorana ny fandrindrana ireo asa eny an-kianja koa satria na misy aza ny fahatapahana ara-pifandraisana, indrindra rehefa ao aorian’ny fandalovan’ny loza, afaka ampiasaina foana ny Starlink. Haparitaka manerana ireo faritra misy ny biraon’ny BNGRC ireto fitaovana ireto.
Nilaza ny jeneraly Ramanantsoa Gabriel, avy amin’ny BNGRC, fa tonga amin’ny fotoana tena ilana azy tokoa ireto fitaovana ireto satria mbola anatin’ny fahavaratra isika izao ary hiaraha-mahita ireo tondradrano maro sy rivodoza nisesy tato ho ato.
Vonjy
French