Nitondra fanazavana ny mpitarika ny sendika rezionalin’ny infirmier sy ny sage femme (Sism) ao anatin’ny faritra Analamanga, Rasolomalala Herimampionona, mahakasika ny hetsika nataon’ olom-bitsy teo amin’ny HJRA.
Manohitra marindrano ny fanakorontanana ny paramedy mpiasam-panjakana. Tokony hanaiky fandaminana fa tsy hanao fitakiana tsy ara-drariny. Tsy tombontsoan’ olom-bitsy fa tombontsoan’ny paramedy rehetra no tokony hojerena.
Tokony hifanatona ny samy paramedy na ny paramedy sy ny ray aman-dreny tomponandraikitra mba tsy hisian’ny korontana na fihoaram-pefy.
Ara-dalàna ny fijoroan’ny sendikan’ny infirmier sy sage femme mpiasam-panjakana izay mijoro amin’izao fotoana.
Mampahatsiahy ny minisitera sy ireo tomponandraikitra ary mitaky ny zon’ny paramedy amin’ny alalan’ny fifampiresahana no asan’ny sendika. Mpiasan’ny fahasalamana zanaka an-tranon’ny minisiteran’ny Fahasalamana ny Sism. Mila mailo mba tsy ho voatariky ny mpanakorontana.
Tsy nandray anjara tamin’ ny hetsika firaisam-po ny paramedy mpiasam-panjakana fa nanatanteraka ny asany avokoa. Miankina amin’ny paramedy ny 80% ny asa fitsaboana ka tokony ho modely sy hiasa an-kitsim-po sy am-pahamendrehana ny rehetra. Miasa ho an’ny vahoaka ny paramedy.
Tatiana A
French