Notanterahina tamin’ity herinandrio ity, nandritra ny roa andro tao amin’ny minisiteran’ny Fampianarana teknika sy ny fanofanana arakasa, ny atrikasa «Développement de référentiels pour les métiers du Tourisme-Hôtellerie et Restauration». Nisahana azy ny Direction de l’Apprentissage et de la Formation Qualifiante (DAFQ), niaraka amin’ny minisiteran’ny Fizahantany sy ny asa tanana ary tohanan’ny Institut de la Francophonie pour l’Education et la Formation (IFEF) sy ny Organisation internationale du travail (OIT).
Miisa 30 mianadahy ireo mpandray anjara tamin’ity atrikasa ity, ahitana mpampiofana matihanina amin’ny sehatry ny Tourisme-Hôtellerie et Restauration (THR), ary ireo tomponandraikitra avy amin’ny minisitera roa tonta.
Tanjon’ny atrikasa ny hanatsara sy hanavao amin’ny fomba maharitra ny kalitaon’ny fiofanana sy ny asa eo amin’ny sehatry ny Tourisme-Hôtellerie et Restauration (THR), amin’ny alalan’ny fametrahana “référentiels” vaovao. Hanampy amin’ny fanamafisana ny famoronana asa amin’io sehatra io izany. Nanokatra ny atrikasa, ny tale misahana ny DAFQ Rakotoarisoa Vololoseheno Fabienne.
Vonjy
French