Marihina anio, eny amin’ny Kianjan’Ambohimangakely, ny Andro maneran-tany natokana ho an’ny fahasalamana. Hetsika maro no hiseho eny an-toerana ka homena lanja manokana ny reny sy ny zaza. Hisy ny fanaovam-baksiny ho an’ny zaza. Eo koa ny tolotra fandrindram-piterahana ho an’ny ray aman-dreny sy ireo rehetra vonona hanao izany.
Noraisin’ny tale jeneralin’ny BNGRC tetsy amin’ ny foibeny ireo solontena avy amin’ny Association amitié Madagascar-Chine, ny faran’ny herinandro teo. Manoloana ireo loza voajanahary nifanesy teto an-tanindrazana, nanolo-tanana ireo vahoaka traboina, nitondra fitaovana zinga sy koveta, sceau miisa 70 isa, izy ireo. Nanainga omaly hihazo an’i Sakaraha hiaraka amin’ireo fanampiana ara-tsakafo ireo fitaovana ireo satria ny sabotsy maraina teo, nitrangana haintrano tany an-toerana, ka 70 ny isan’ ireo tokantrano tra-doza nandritra izany.
Nampahafantatra ny minisiteran’ny Fampianarana ambony sy ny fikarohana ara-tsiansa fa efa navoaka ny tetiandro hizarana ny vatsim-pianarana ho an’ny taom-pianarna 2024-2025 eto Antananarivo. Vatsim-pianarana telovolana miaraka amin’ny équipement no hozaraina amin’izany. Manomboka amin’ny sokajy L1 hatramin’ireo mpianatra manomana ny doctorat no voakasika izany.
Tanterahina ao amin’ny CHU Pzaga, any Mahajanga, ny Campagne fistule obstétricale, nanomboka ny
1 avrily lasa teo ka hatramin’ny 18 avrily. Tanjona ny handidy vehivavy miisa 25 anatin’ny hetsika, araka ny fanazavana. Iarahana amin’ny sampandraharaha misahana ny fiterahana hieren-doza sy ny fandrindrana fiainam-pianakaviana (SMSR-PF).
French