Naiditra am-ponja vonjimaika eny Antanimora, ny alakamisy teo, ilay lehilahy tratra namaky tsenan’olona iray teny Ambohimangakely. Mbola karohina kosa ilay namany niray tsikombakomba taminy. Tsiahivina fa saron’ireo zandary mpanao fisafoana teo am-panaovana ny asa ratsiny ireto mpamaky trano, ny alin’ny alahady 08 janoary teo. Novakian’ireto jiolahy tamin’ny “barre à pince” ilay tsena teo Andranovao handrobana ny entana. Lasa tamin’izay ny gonim-bary sy entana maro isan-karazany. Tratra taorian’io kosa ity lehilahy ity raha tafaporitsaka ilay namany. Fantatra fa mipetraka eny amin’ny “Cité père Pedro” ilay voasambotra raha eny Namontana kosa ilay namany hafa mbola karohina. Taorian’io, naverina tamin’ny tompony ireo entana voaroba.
Henintsoa H.
French