Ato anatin’ny fiomanana amin’ny fetin’ny Paka isika izao. Hanao hetsika fanaraha-maso ny fitaterana (fiara sy moto) ireo tomponandraikitry ny fitaterana rehetra eto amin’ny Nosy, manomboka izao, raha ny fampahafantarana nataon’izy ireo omaly, tetsy Anosy. Arahi-maso ny fiaingan’ny fiara eny
amin’ny toeram-piantsonana sy ny eny an-dalambe rehetra eny. Hisy ny fitsapana ny tahan’ny alikaola amin’ny vatan’ny mpamily, ny fitaovam-pandrefesana ny lanjan’ny fiara sy hafainganam-pandeha. Efa miparitaka manerana ny Nosy ireo fitaovana ireo ary ezahina ny hampiasana izany hatrany na tapitra aza ny fety. Manoloana izany, misokatra ho an’ny rehetra manam-paniriana ny hivoaka sy hitondra olona ny fitsirihana maimaimpoana ny fiara amin’ny sabotsy tapakandro maraina, ho avy izao. Tsy maintsy manao fitsirihana teknika ihany koa ny fiara mpitatitra rehetra. Tsy manan-kery kosa ny fanomezana fanambaram-pahaverezana sy ireo nahazo «fiche de contravention» mandritra io fetin’ny Paka io. “Mitombo ny filana satria hivezivezy ny olona amin’izao vanim-potoan’ny Paka izao ka antony hanaovana ny hetsika”, hoy hatrany ireo tomponandraikitra. Tanjona ny hankalazana ny fetin’ny Paka hieren-doza.
Mino
French