Nosamborin’ny polisy miasa ao amin’ny kaomisarian’ny boriborintany fahadimy (CSP5) Mahamasina teny Ankadimbahoaka ny jiolahy iray malaza ratsy amin’ny fanendahana. Fantatra fa isan’ireo toerana malaza ratsy amin’ny fanendahana iny faritra Ankadimbahoaka sy ny manodidina hatrany amin’ny fasan’ny Karana iny. Manoloana izany, nametraka paikady ny polisin’ny CSP5 tamin’ny alalan’ny fametrahana polisy manao fanamiana sivily tamina toerana iray eny Ankadimbahoaka. Nahitam-bokany izany satria tratra teo am-panendahana sady nanao sinto-mahery ity jiolahy ity. Olona hamonjy fodiana no nifanehatra tamin’ity mpanao ratsy ity kanjo noraisim-potsiny teo am-panaovana ny asa ratsiny izy. Niaiky ny heloka vitany izy nandritra ny famotorana nataon’ny polisy azy.
Jean Claude
French