Taorian’ny nandavoan’ ny ekipan’ny Manchester United, tamin’ny isa 2 no ho 1, an’ny Manchester City, tamin’ny “Premier League”, namoaka vava i Pep Guardiola, mpanazatra ny Man City, ny asabotsy lasa teo.
Nilaza izy fa “efa azonay daholo ny amboara rehetra taty Angletera ka tsy olana aminay intsony na mandresy izahay na resy. Ny fiadiana ny ho tompondakan’i Eoropa “ Ligue des Champions” no tena manan-danja aminay». Fanambarana nataony tamin’ireo mpanao gazety, nandritra ny “Conférence de presse”.
Tohina sy gaga daholo ny rehetra, saingy nisy ihany ireo mpanohana izany hevitra izany. “Marina ny azy, efa tsy mahaliana anay intsony ny Premier League. Ny UCL sisa no tena ilainay satria efa ela izahay naniry haka izany”, hoy ny mpankafy ny Man City, iray tao anaty tambajotran-tserasera, omaly.
Tsiahivina fa efa nandalo tao amin’ireo ekipa goavana toy ny, FC Barcelona Espaina sy ny Bayern Munich Allemagne i Guardiola.
Fitia (Mpianatra asa)
French