Mankalaza ny faha-50 taona nijoroany ny Sampana tanora kristianina (STK) eo anivon’ny fiangonana FJKM. Hosantarina amin’ny fampisehoana rindran-kira Antsan’i Kristy, atao etsy Antsahamanitra, ny 11 mey ho avy izao, izany. Manomboka amin’ny 2 ora tolakandro ny seho. Hisokatra amin’ny 10 ora sy sasany ny vavahady. Hanafana sy hanentana eny an-toerana mandra-piakatry ny mpanakanto eny an-tsehatra ireo tanora maro notsongaina eo anivon’ny sampana. Mbola maro ny hetsika ataon’izy ireo, toy ny atao any Antsohihy, ny 30 jolay hatramin’ny 2 aogositra izao. Tanjona ny hahafahana manangana tsangam-bato etsy anivon’ny tanin’ny foibe eny Ambohidratrimo. Hatsangana amin’izany ny kianja synthetic: basikety sy foot hahafahan’ny tanora milalao.
“Sampana iray mitory ny filazantsara amin’ny alalan’ny hira ny sampana STK. Tafiditra ao anatin’ny rantsana sy sampanasa fanatanjahantena ity tsangambato atao ity”, hoy ny filohan’ny kaomity faha-50 taona, ny mpitandrina Razafindratsinana Mialinoro Finaritra, raha nitafa tamin’ny mpanao gazety tetsy anivon’ny foibe FJKM Antaninarenina, afakomaly. Vinavinaina ho faranana sy hovitaina amin’ny volana novambra amin’ity taona ity ny tsangambato sy ny fanamarihana ny faha-50 taona.
Mino
French