Madagascar Mozarteum : hisy « Concert d’orgue » roa

Hiavaka ny hanokafan’ny Madagascar Mozarteum ny taona 2023. Fampisehoana « Concerts d’orgue » indroa miantoana no hotanterahina miaraka amin’i Miravo Rama­rolahy sy Hasina Stéphane (traompetra) ary i By Ramaro­son (saksofona soprano). Ta­fiditra ao anatin’ny andiany faha-135 amin’ny « Concert classique du midi », ilay ho­tontosaina ny talata 24 janoary ao amin’ny Ekar Faravohi­tra izy ity. Ny faharoa, hatao eny amin’ny Alliance Françai­se Andavamamba ny alahady 29 janoary, manomboka amin’ny 4 ora tolakandro.
Hizara roa ny fandaharam-potoana. Ny tapany voalohany, hanatanterahan’izy ireo ny fitendrena ny sanganasan’i Johann Sebastian Bach. Ny tapany faharoa, hamelomana sy hamerenana ny sanganasan’i Henry Purcell, Johannes Brahms, Edward Elgar, Hu­bert Parry, Jeremiah Clarke, Théodore Dubois.

HaRy Razafindrakoto