« Ako sy feo » – Randja Zanamihoatra: Mitohy ny hetsika faha-100 taona

11 Jolay 1997 – 11 Jolay 2025. Nitsingerina, omaly, ny faha-28 taona nahafatesan’i Randja Zanamihoatra na « Ilay poeta marolafy ». Velo­na mandrakariva ny soratra napetrany. Hianoka izany ny rehetra manomboka ny 17 jolay ho avy izao, etsy amin’ny Trano Sary Ambohidahy. « Ako sy feo », fampirantiana tafiditra ao anatin’ny faha-100 taonan’ity andrarezin’ny soratra ity. Tafiditra ao anatin’ny fandaharam-potoana ihany koa ny fiantsana tononkalo, ny sabotsy 19 jolay izao, manomboka amin’ny 2 ora sy sasany tolakandro. Antsa nampitondraina ny lohahevitra « Rand­ja, Ilay poeta marolafy ». Ny talata 23 jolay, amin’ny 10 ora maraina. Velakevitra « Ny fahitako an’i Randja Zana­mihoatra sy ny asa sorany » hiarahana amin’i Diadema, mpankafy Randja. Hitohy ny alarobia 30 jolay izany ka ny Dr. Radanielina Radoheninjo, mpampianatra, no hamelabelatra sy hanazava momba ny lohahevitra « Ny tsiambaratelon’i Randja Zanamihoatra hita taratra ao amin’ny « Som­pitra Randja Zanamihoa­tra » ».
Marihina fa ho hita sy ho re eny amin’ny Trano Sary Am­bohidahy mandritra ny « Ako sy feo » ireo aingam-panahy (mpanoratra, mpanakanto, mpankafy kanto) nateraky ny famakiana ny sanganasan’i Randja Zanamihoatra. Ani­san’izany ny tononkalo, sary pika, sary sokitra… Tsiahivina fa ny 27 mey 2025 teo no nanokafana ny fankalazana ny faha-100 taonan’i Randja Zanamihoatra, tao amin’ny efitrano Dox Reanombokim-pirenena Anosy.

HaRy Razafindrakoto