Niantomboka tamin’ity volana janoary ity ny fanaovam-baksiny Covid-19 eny amin’ny perception principal telo eto Antananarivo. Anisan’izany ny eny Amboditsiry, Mahazoarivo ary Mahamasina. Tanjona ny fanamorana ny fanaovam-baksiny ireo zokiolona tonga maka fisotroan-dronono amin’ireny toerana ireny.
Tsy voatery manatona CSB intsony fa efa manakaiky azy ireo ny fanaovam-baksiny mba tsy hisian’ny fivezivezena. Hiitatra amin’ireo toerana fandraisana vola fisotroan-dronono sasany izany toy ny eny Atsimondrano, Isotry ary Mahazoarivo.
Hotanterahina amin’ny 10 ka hatramin’ny 16 febroary izao ny hetsika eny amin’ireo perception vaovao hanaovana vaksiny maimaimpoana ho an’ny zokiolona ireo.
Tafiditra ao anatin’ny sokajin’ny olona marefo ny zokiolona ka mora ifindran’ny aretina Covid-19. Izany indrindra no anton’ny hetsika.
Tatiana A
French