Loharano tsy ritra. Talohan’ny taona 1980, niroborobo ny fanontana boky, satria, sehatra maro no mbola nampiasana izany. Mbola nazoto ny mpanoratra… Taona 2025, mila havaozina ny fanontana ireny boky ireny. Maro be amin’ ireo boky navoaka tany amin’ ny taona 1960 – 1975, ohatra, no mirakitra tantara fototra niainan’ny Malagasy fahiny. Tsy hita firy intsony izy ireny, kanefa, mitondra fanabeazana sy fahalalana goavana ho an’ny taranaka aty aoriana. Ilaina ny manao fanontana vaovao amina isa maro ireny boky ireny.
Hatramin’izao, anefa, ny fanavaozana ny fanontana ireo boky nivoaka tany aloha, tsy misy. Fanontana boky vaovao, tsy ampy. Antony mampihena andro aman’alina ny
« sakafon-tsaina » eo amin’ny Malagasy sy ny taranaka aty aoriana. Raha nisy nanohy tsy tapaka, ohatra, ireo famoahana ny boky nosoratan’i E.D Andriamalala, Clarisse Ratsifandrihamanana, Dr. Joseph Rakotonirainy, Régis Raje-misa-Raolison, sns. Raha natao ihany koa izay hielezan’ ireo boky natonta ho eny am-pelatanan’ny Malagasy. Nitombo nanaraka izany ny fahaizana amam-pahalalana ananan’ny taranaka Malagasy.
… Mila velarina ihany koa ny sehatra na tontolo hanapariahana ny boky. Any an-tsekoly (fandaharam-pianarana), any amin’ireo trano famakiam-boky, sns.
HaRy Razafindrakoto
French