Mamiratra tanteraka i Luka Doncic, mpilalao Basiketin’i Dallas, amin’ny fifaninanana basikety NBA 2023. Nandresy tamin’ny isa 111 no ho 105 an’i Detroit ny Dallas ny alatsinainy lasa teo. Lalao izay tafiditra amin’ny andro fahenina amin’ny fiadiana ny ho tompondaka ny kaonferansy andrefana na “Conference Ouest” ny NBA 2023, any Etazonia. Raha hiverenana ny lalao dia nitarika tamin’ny isa 57 no ho 53 ny Detroit, teo amin’ny fizaram-potoana voalohany ( 1ér/ 2ème quart-temps). Niezaka hatrany ny Dallas, tombony ho azy ireo ny nahazoany mpilalao toa ny Doncic, izy izay nahavita nahatafiditra 50 isa na “points” tamin’io lalao io, any ka lasa 111 no ho 105 niafarany lalao. Naharitra 36 minitra teo ny fe-potoana nilalaovany teny ambony kianja. Ary nahavita “8 rebonds” sy tolotra 5 izy.
Tsiahivina fa naratra ny tenany, ka tsy afaka nilalao tamin’ny fihaonan’i Dallas sy Utah Jazz. Resy tamin’ny isa 108-100 izy ireo tamin’izany lalao izany. Fifandomana izay notanterahina ny alahady lasa teo.
Fitia (Mpianatra asa)
French